ഖുര്ആനോടോത്തുള്ള മനുഷ്യന്റെ
ജീവിതം
നശ്വരജീവിതത്തിലെ
ക്ലേശഭൂയിഷ്ട്ടമായ യാത്രയില് ഖുര്ആനിനെ സ്വകരങ്ങളിലേറ്റു വാങ്ങിയ ഒരുവന്
മനോല്ലാസമേകുന്നത് ഖുര്ആനിന്റെ ചൈതന്യമാണ്. സന്മാര്ഗദീപമായും അധ്യാപകനായും
വഴികാട്ടിയായും ഖുര്ആന്- അവനോടൊപ്പം സദായാത്രികനായുണ്ട്.
ഖുര്ആനോടോത്തുള്ള
ജീവിതംചിന്തകളുടെഒരു ലോകം തന്നെതുറന്നിടുന്നു.വിടര്ന്നഹൃദയത്തോടെ,അന്വേഷണ
ത്വരയോടെ ഖുര്ആനൊപ്പം സഞ്ചരിക്കുന്നവര്ക്കേ അതിന്റെ
ചിന്താമധുരിമ ആസ്വദിക്കാനാവുകയുള്ളൂ. ഖുര്ആനോടോത്തുള്ള ജീവിതമെന്നാല്-
അല്ലാഹുവോടോത്തുള്ള ജീവിതമെന്നാണര്ഥ൦.മനുഷ്യനെ ലക്ഷ്യമാക്കിഅവന്റെ മനോഹൃദയങ്ങളെയും
ചിന്തയെയും ആത്മാവിനെയും ലാക്കാക്കിയാണ ഖുര്ആന് എന്ന ദൈവിക വചനത്തിന്റെ അവതരണ൦.അല്ലാഹുവിന്റെ
ഗുണനാമവിശേ-ഷണങ്ങളെക്കുറിച്ച്, അവന്റെ കാരുണ്യത്തെക്കുറിച്ച് ,അവന്റെ
മഹത്വത്തെക്കുറിച്ച് ,അവന്റെ കഴിവുകളെക്കുറിച്ച് ഖുര്ആന്- ഇടമുറിയാതെ നമ്മോടു
സംസാരിച്ചു കൊണ്ടിരിക്കുന്നു.ഖുര്ആന്- നിഷ്ഠയോടെ വായിച്ചുകൊണ്ടേയിരിക്കണമെന്നു
പ്രവാചകന് നിര്ദേശിക്കുവാന്- ഇതാണു കാരണം.നിരന്തരമായ ഖുര്ആനിക ബന്ധം
സത്യവിശ്വാസിയുടെ ഹൃദയത്തെ അല്ലാഹുവുമായി കണ്ണി ചേര്ക്കുന്നു.
No comments:
Post a Comment